அட்லாண்டா: மதுரை மண்ணின் மைந்தர் அரவிந்த் கிருஷ்ணசாமிக்குப் பாராட்டு விழா
|
 |
| அக்சஸ் பிரெய்லி: அந்தாக்ஷரி நிதி திரட்டும் நிகழ்ச்சி |
   |
- ஸ்ரீலதா![]() |![]() மே 2026![]() |![]() |
|
|
|
|
 |
மார்ச் 7, 2026 அன்று சான் ஹோஸேயில் அக்சஸ் பிரெய்லி அமைப்புக்கு நிதி திரட்டும் பொருட்டு ஓர் அந்தாக்ஷரி நிகழ்ச்சி நடைபெற்றது. நண்பர்களுடன் வளாகத்தில் நுழைகையில் எம்மை வரவேற்றோரின் இன்முகம் கண்டு வியக்கிறேன். நாம் கேள்விப்பட்டிருக்கலாம் அல்லது முழுமையாகப் புரிந்து கொள்ளாமல் இருக்கலாம், பிரெய்லி என்பது பார்வையற்றோர் கற்கவும் எழுதவும் பயன்படுத்தும் மொழி. பிரெய்லி கருவிகள் மற்றும் கல்விப் பொருட்கள் தேவைப்படுபவர்களுக்கு உலகெங்கிலும் வழங்க அக்சஸ் பிரெய்லி உழைக்கிறது.
அக்சஸ் பிரெய்லியின் தலைமை நிர்வாக அதிகாரி திருமதி சுதா ராஜகோபாலன் மென்பொருள் பொறியாளராக இருந்தவர். பிற்காலத்தில் பார்வைக் குறைபாடு ஏற்பட்டது. ஆயினும், பிரெய்லி கல்வி தேவைப்படுவோருக்கு ஆதரவை வழங்கும் சக்திவாய்ந்த பார்வையை அவர் கொண்டுள்ளார்.
அவருடைய இடத்தில் நாம் இருந்திருந்தால், ஒரு கருவிப்பெட்டி நன்கொடை அளித்த பிறகு நிறுத்தியிருப்போம் அக்சஸ் பிரெய்லி குழு ஒரு கூடுதல் மைல் செல்கிறது. பயிற்சி பெற்றோர், மொபைல் வேன்களில் சென்று பிரெய்லியைக் கற்றுக்கொடுக்கிறார்கள்.
விரிகுடாப் பகுதியில், ஈதன் பார்வையற்றவராக ஆனார். அவர் அக்சஸ் பிரெய்லி உதவியால் பிரெய்லியைக் கற்று விஸ்டா மையத்தில் பணிபுரிந்தார். மையம் நிதி ஆதாரச் சவால்களை எதிர்கொண்டபோது, தன் போன்ற பயிற்சியாளர்களைத் தொடர்ந்து ஆதரிக்க, வேலையைத் தொடர முன்வந்தார். ஈதன், தான் பெற்ற வரத்தைச் சமூகத்திற்குத் திரும்பக் கொடுப்பதில் தன்னை ஈடுபடுத்திக்கொண்டார்.
அந்தாக்ஷரி நிகழ்வு மகிழ்ச்சியால் நிரம்பியிருந்தது. குழுக்கள் வெவ்வேறு மொழிகளில் பாடி, அசத்தினர். அது ஒரு வெளிநாட்டு மண்ணில் இந்தியாவில் இருப்பது போல் உணர்ந்தேன். நிதி திரட்டும் முயற்சிகளின் ஒரு பகுதியாக தாவரங்கள் மற்றும் கலைப் படைப்புகளும் காட்சிப்படுத்தப்பட்டன.
நிகழ்வின் முடிவில், சாஸ்தா ஃபுட்ஸ் அரிசி, தினை உணவு கொண்ட பைகளைக் கொடுத்தார்கள். சுவையான சிற்றுண்டி, தேநீர், இரவு உணவை மயிலாப்பூர் எக்ஸ்பிரஸ் வழங்கியது.
வெளியேறும்போது, இந்தியாவில் ஒரு பார்வையற்றோர் பள்ளிக்குச் சென்றது நினைவுக்கு வருகிறது. குழந்தைகளுக்கு உணவு பரிமாறுவதற்காக அங்கு சென்றிருந்தேன். அவர்கள் மதிய உணவுக்கு முன் ஒரு சிறிய பிரார்த்தனையுடன் ஆரம்பித்தார்கள், ஒரு பருக்கையைக் கூட அவர்கள் வீணாக்கவில்லை. அவர்களுக்கு உணவு புனிதமானது. அவர்கள் எங்களுடன் பேசினார்கள், எங்கள் அடுத்த வருகையின்போதும் எங்களை நினைவுகூர்ந்தனர். இது ஆச்சரியமாக இருந்தது. பார்வை இருந்தபோதிலும், நம்மைச் சுற்றியுள்ளவர்களை உண்மையாகப் பார்க்கவும், தொடர்பு கொள்ளவும் சில சமயங்களில் நாம் தவறிவிடுகிறோமோ?
கருணை நிரம்பிய உதவியைத் தாமதமின்றிச் செய்ய வேண்டும்.
ஒரு நபரின் பெரிய சொத்து அறிவால் நிரம்பிய தலை அல்ல; அன்பால் நிறைந்த இதயம், கேட்கத் தயாராக இருக்கும் காது, உதவத் தயாராக இருக்கும் கை இவையே.
இணையதளம்: www.accessbraille.org |
|
|
தகவல்: ஸ்ரீலதா,
கூபர்ட்டினோ, கலிஃபோர்னியா |
|
 |
More
அட்லாண்டா: மதுரை மண்ணின் மைந்தர் அரவிந்த் கிருஷ்ணசாமிக்குப் பாராட்டு விழா
|
|
|
|
|
|
|
|
|
|