Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சின்னக்கதை | சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | மேலோர் வாழ்வில் | மேலும்
September 2010 Issue
தென்றல் பேசுகிறது | நேர்காணல் | மாயாபஜார் | முன்னோடி | பொது | சிறப்புப் பார்வை | அன்புள்ள சிநேகிதியே | சமயம் | ஹரிமொழி | ஜோக்ஸ்
குறுக்கெழுத்துப்புதிர் | கதிரவனை கேளுங்கள் | சிறுகதை | நினைவலைகள் | கவிதைப்பந்தல் | சினிமா சினிமா | Events Calendar | வாசகர் கடிதம்
எழுத்தாளர் | இளந்தென்றல் | நிகழ்வுகள் | நலம் வாழ | எனக்குப் பிடிச்சது
Tamil Unicode / English Search
கவிதைப்பந்தல்
விஜயபதி தர்ஷராஜன் கவிதைகள்
ஒப்பில்லாத சுப்பு
- அனந்த்|செப்டம்பர் 2010|
Share:
Click Here Enlargeகொத்தமங் கலத்துச் சுப்பு - தமிழ்
கொஞ்சும் அவர்பாட்டுக் கீடுண்டோ செப்பு! (கொத்தமங்கலத்து)

எத்தனை எத்தனை பாட்டு - அவை
எல்லாமே பாலோடு தேன்சேர்ந்த கூட்டு
குத்தால வெள்ளம்போல் ஓட்டம் - அதில்
குளித்துக் களிக்கும்நம் நெஞ்சில்கொண் டாட்டம்

ஏரு பிடிப்பவன் வீட்டில் - உள்ள
இன்பமும் துன்பமும் காட்டஓர் பாட்டு
போருக்குச் சென்றவர் நாட்டைக் - காக்கப்
போனபின் வீடு திரும்பஓர் பாட்டு

காந்தி மகான் வில்லுப் பாட்டு - தேசக்
காதலை மாந்தர் மனத்தினில் ஊட்டும்
சாந்தி உலகினில் நாட்ட - நல்ல
சங்கதி சொல்லி வழியையும் காட்டும்

பாட்டியும் பாட்டனும் கூட - அவர்
பாட்டுச் சுவைதூண்டும் எழுந்துநின் றாட
நாட்டு நடப்பினைப் பேசும் - பாட்டில்
நாட்டுப் புறவாசம் நன்றாக வீசும்
சீவாளிச் சத்தத்தில் நாட்டம் - என்று
தில்லானா மோகனாம் பாள்கதை காட்டும்
சாவா இலக்கியக் கூடம் - அவர்
சாதனை யாவும் சரித்திரப் பாடம்

ஆறடி மேனிக் கவிஞர் - கலை
யாவிலும் தேர்ந்து சிறந்த அறிஞர்
நீறு துலங்கிடும் நெற்றி - அது
நித்தம் தரும்தொழில் யாவிலும் வெற்றி

நெஞ்சத்தில் வேலனின் பக்தி - வாழ்வில்
நேர்மை தவறாமை அவரது சக்தி
அஞ்சலி செய்திட வாரும் - நூ(று)
ஆண்டு நிறைவில் அவர்புகழ் கூறும்.

*****


(கொத்தமங்கலம் சுப்பு அவர்களின் நூற்றாண்டு விழாவை ஒட்டி இக்கவிதை வெளியிடப்படுகிறது. அவரது விரிவான வாழ்க்கைக் குறிப்பை 'முன்னோடி' பகுதியில் பார்க்கலாம்)

கவிஞர் அனந்த்,
கனடா
More

விஜயபதி தர்ஷராஜன் கவிதைகள்
Share: