Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | Events Calendar | மேலும்
Current Issue
தென்றல் பேசுகிறது | நேர்காணல் | மாயாபஜார் | சினிமா சினிமா | சின்னக்கதை | அன்புள்ள சிநேகிதியே | முன்னோடி | கவிதைப் பந்தல்
எழுத்தாளர் | இளந்தென்றல் | நிகழ்வுகள் | சூர்யா துப்பறிகிறார் | Events Calendar | ஹரிமொழி | சிறுகதை | சமயம் | சாதனையாளர் | பொது
கவிதைப்பந்தல்
துருவங்கள்
கணக்கு நோட்டின் கடைசிப் பக்கம்
- ராமலக்ஷ்மி|செப்டம்பர் 2019|
Share: 
Click Here Enlargeபரந்த பள்ளி மைதானத்தின்
கிழக்கு மூலை
கல் பெஞ்சில்
தனித்து அமர்ந்திருக்கிறாள்
மவுனமாக.

பதின்ம வயதின்
துள்ளலுடன்
வகுப்புத் தோழமைகள்
எழுப்பிக் கொண்டிருந்த கூச்சல்
அவளுக்குச் சம்பந்தமே இல்லாத
உலகமாக.

அவளது
உள்நெஞ்சின் புழுக்கத்தை
உணராத காற்று
தவறுகிறது தலை கோத.

வாடிய அவள் முகத்தின்மேல்
அந்தி மஞ்சள் வெயிலும்
தகிக்கிறது அனலாக.

அருகிலிருந்த செடியில்
நிலம் நோக்கிக் கவிழ்ந்திருந்த
இளஞ்சிகப்பு ரோஜா
நினைவு படுத்துகிறது
சென்ற வாரம் இதே கிழமையில்
தூக்கில் தொங்கிய
அம்மாவை.

பெருந்துயரை இறக்கி வைக்க
இயற்கையிடமும்
சுமைதாங்கி கிடைக்காத
இளமனது
வடிக்கத் தொடங்குகிறது
தன் முதல் கவிதையை
கணக்கு நோட்டின் காலியான
கடைசிப் பக்கத்தில்,

தன்னோடு அழுவதற்கு
தனது வரிகள் மட்டுமே
துணை வருமென்று.
படம், கவிதை: ராமலக்ஷ்மி,
பெங்களூர்
More

துருவங்கள்
Share: