மாறுபட்ட தலைப்பைச் சூட்டுவதில் கில்லாடி ராஜேஷ். 'ஆல் இன் ஆல் அழகுராஜா' படத்தை அடுத்து அவர் இயக்கும் படம் 'வாசுவும் சரவணனும் ஒண்ணா படிச்சவங்க'. நாயகனாக ஆர்யாவும் நாயகியாக தமன்னாவும் நடிக்கிறார்கள். முக்கிய வேடத்தில் சந்தானம் நடிக்கிறார். நகைச்சுவை + காதலை பின்னணியாகக் கொண்ட இப்படத்திற்கும் மதுபானத்திற்கும் சம்பந்தமில்லை என்கிறார் இயக்குநர். இப்படம் பற்றி அவர், "வாசுவும் (ஆர்யா), சரவணனும் (சந்தானம்) சிறுவயதிலிருந்தே ஒண்ணா படிச்சவங்க. அவர்கள் நட்பு. காதல் இவற்றை எனது பிராண்ட் காமெடியாகச் சொல்கிற படம் இது. படத் தலைப்பின் முதல் ஆங்கில எழுத்துக்களை வரிசைப்படுத்தினால் வி.எஸ்.ஓ.பி. என்று வரும். அது யதேச்சையானதுதான். படத்துக்கும், சரக்குக்கும் சம்பந்தமில்லை" என்கிறார். இருக்கலாம், ஆனால் படத்தில் சரக்கு இல்லைன்னு யாராவது சொல்ல முடியுமா?
அரவிந்த் |