"திண்டுக்கல் சாரதி", "அம்பாசமுத்திரம் அம்பானி" ஆகிய படங்களில் நடித்து தனது நடிப்புத் திறமையை நிரூபித்தவர் நடிகர் கருணாஸ். இவர் தற்போது கதாநாயகனாக நடிக்கும் புதிய படம் "ரகளைபுரம்". கதாநாயகியாக அங்கனா நடிக்கிறார். கோவை சரளா முக்கிய வேடத்தில் தோன்றுகிறார். இவர்களுடன் பரத் ரெட்டி, எம்.எஸ்.பாஸ்கர், மயில்சாமி, சிங்கம்புலி, ஓ.ஏ.கே.சுந்தர், சஞ்சனாசிங், ரகசியா உள்ளிட்ட பலர் நடிக்கின்றனர். பயந்த சுபாவம் உள்ள ஒரு காவலர், அதே பயத்துடன் பல தவறான முடிவுகளை எடுக்கிறார். அது அவருக்கு எப்படிச் சாதகமாக முடிகிறது, அதனால் அவருக்கு ஏற்படும் பிரச்னைகள் என்னென்ன என்பதை நகைச்சுவை கலந்து சொல்ல வருகிறது இப்படம். கதை, திரைக்கதை, வசனம் எழுதி இயக்குகிறார் மனோ. இவர், சுந்தர் சி, சுராஜ், ஷக்தி சிதம்பரம் போன்ற இயக்குநர்களிடம் உதவி இயக்குநராகப் பணியாற்றியவர். இசை: ஸ்ரீகாந்த் தேவா
தொகுப்பு: அரவிந்த் |