1. 10 குரங்குகள் 10 வாழைப்பழத்தைத் தின்ன 10 நிமிடங்கள் எடுத்துக் கொள்கின்றன. அப்படி என்றால் 5 குரங்குகள் 5 வாழைப்பழத்தைத் தின்ன எவ்வளவு நேரம் ஆகும்.? எத்தனை குரங்குகள் 60 பழங்களை 60 நிமிடத்தில் உண்ணும்?
2. சங்கர் தன்னிடமுள்ள டாலர் தொகையில் பாதியைத் தனது சொந்த உபயோகித்திற்கு வீட்டில் வைத்துவிட்டு மீதியைச் செலவழிக்க முற்படுகின்றான். முதலில் 1 டாலரை தோட்டக்காரனுக்குக் கொடுக்கின்றான். மீதி இருப்பதில் பாதிக்கு உணவகத்தில் சாப்பிடுகின்றான். அங்கு 2 டாலர் டிப்ஸ் கொடுக்கிறான். மீதி இருப்பதில் பாதியை புத்தகம் வாங்கச் செலவழிகின்றான். எஞ்சியதில் 3 டாலரை கோயில் உண்டியலில் செலுத்தி விடுகின்றான். இப்பொழுது அவன் கையில் மீதம் 1 டாலர் மட்டுமே உள்ளது. அப்படியானால் முதலில் அவனிடம் இருந்த மொத்தத் தொகை என்ன?
3. சர்மா என்பவருக்கு மூன்று பெண்கள். அதில் ஒவ்வொரு சகோதரிக்கும் ஒரு சகோதரர் இருக்கிறார். அப்படியென்றால் அக்குடும்பத்தில் உள்ள மொத்த ஆண்களின் எண்ணிக்கை என்ன?
4. A என்பவர் Bயின் மகள். B,C இருவரும் சகோதரிகள். Cயின் தாய் D. Dயின் மகன் E. Eயின் மகன் X. என்றால் Xக்கு A என்ன உறவு?
5. ராமுவின் வீட்டில் ஒரு பெரிய சுவர்க் கடிகாரம் இருக்கிறது. அது நான்கு மணி அடிப்பதற்கு மூன்று விநாடிகள் எடுத்துக் கொள்கிறது. அப்படியானால் பதினோரு மணி அடிப்பதற்கு எத்தனை விநாடிகளாகும்?
அரவிந்த்
விடைகள்
1. 10 குரங்குகள் 10 வாழைப்பழத்தைத் தின்ன 10 நிமிடங்கள். அதாவது ஒவ்வொரு குரங்கும் ஒரு வாழைப் பழத்தைத் தின்ன10 நிமிடம் எடுத்துக் கொள்கின்றது.
i) 5 குரங்குகள் 5 வாழைப்பழத்தைத் தின்னவும் 10 நிமிடங்கள் தான் ஆகும்.
ii) ஒரு குரங்கு ஒரு வாழைப்பழத்தைத் தின்ன 10 நிமிடங்களாகிறது. எனவே 60 நிமிடத்தில் 6 வாழைப்பழங்களை ஒரு குரங்கு தின்னும். 6 பழங்களுக்கு ஒரு குரங்கு என்றால் 60 பழங்களுக்கு 10 குரங்குகள் தேவைப்படும். எனவே 60 பழங்களை 60 நிமிடத்தில் 10 குரங்குகள் தின்னும்.
2. மொத்தம் 42 டாலர் அதில் வீட்டில் வைத்த பாதி 21 டாலர். மீதமிருக்கும் 21 டாலரில், தோட்டக்காரனுக்கு அளித்த 1 டாலர் போக மிஞ்சுவது 20 டாலர். அதில் பாதி ஹோட்டலில் செலவழித்தது 10 டாலர். டிப்ஸ் 2 டாலர் போக மீதம் இருப்பது 8 டாலர். அதில் புத்தகம் வாங்கிய பாதி 4 டாலர். மீதம் இருப்பது 4 டாலர். அதில் கோயில் உண்டியலில் செலுத்தியது 3 டாலர். ஆகக் கடைசியில் கையிருப்பு 1 டாலர். எனவே சங்கர் கையில் ஆரம்பத்தில் வைத்திருந்த தொகை 42 டாலர்.
3. மொத்தம் சர்மாவையும் சேர்த்து இரண்டு பேர் தான். எப்படியென்றால் ஒவ்வொரு சகோதரிக்கும் ஒரு சகோதரன் தான் உண்டே தவிர, ஒவ்வொரு சகோதரிக்கும், ஒவ்வொரு சகோதரன் இல்லை. அதாவது a,b,cயை சகோதரிகள் என வைத்துக் கொண்டு x ஐச் சகோதரன் என வைத்துக் கொண்டால் x என்பவர் a,b,c என தனித்தனியாக ஒவ்வொருவருக்குமே சகோதரன் ஆகிறார். எனவே அக் குடும்பத்தில் உள்ள ஆண்களின் எண்ணிக்கை சர்மாவையும் அந்தச் சகோதரனையும் சேர்த்து இரண்டு பேர் மட்டுமே ஆகும்.
4. அத்தை மகள். D என்பவர் B,C,E ஆகிய மூவருக்குமே தாயாகிறார். B,C இருவரும் பெண்கள், சகோதரிகள். அவர்களின் சகோதரன் E. எனவே Bயின் மகள் Aவிற்கு E என்பவர் மாமா ஆகிறார். ஆக Bயின் மகள் Aயின் மகன் Xக்கு அத்தை மகளாகிறார்.
5. நான்கு மணிக்கு மூன்று விநாடிகள் ஆகுமென்றால், பதினோரு மணி அடிக்க பத்து விநாடிகள் ஆகும்.