இயக்குநர் மு. களஞ்சியம் கதை, திரைக்கதை, வசனம் எழுதி இயக்கும் படம் முந்திரிக்காடு. இந்திய கம்யூனிஸ்ட் கட்சியின் மூத்த தலைவர் சி. மகேந்திரனின் மகன் புகழ், இப்படத்தில் நாயகனாக அறிமுகமாகிறார். சுபபிரியா கதாநாயகி. உடன் ஜெயராவ், சோமு, சக்திவேல், ஆம்பல் திரு, கலைசேகரன், பாவா லட்சுமணன் உள்ளிட்டோர் நடிக்கின்றனர். கவிபாஸ்கர் பாடல்களை எழுத, இசையமைக்கிறார் ஏ.கே. பிரியன். படம் பற்றி இயக்குநர், "முந்திரிக்காட்டு மக்களின் வாழ்க்கை யதார்த்தத்தை இதில் பிரதிபலித்திருக்கிறோம். விலை உயர்ந்த பொருளாக மாறிப்போன முந்திரியின் விளை நிலங்களில் சிந்தும் ஏழ்மையின் வியர்வைத் துளி எப்படிப்பட்டது என்பதை இதில் பதிவு செய்திருக்கிறோம்" என்கிறார்.
அரவிந்த் |