Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சின்னக்கதை | சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | மேலோர் வாழ்வில் | மேலும்
December 2017 Issue
தென்றல் பேசுகிறது | நேர்காணல் | சாதனையாளர் | சினிமா சினிமா | சின்னக்கதை | ஹரிமொழி | பொது | அன்புள்ள சிநேகிதியே | அஞ்சலி
கதிரவனை கேளுங்கள் | மாயாபஜார் | சிறுகதை | Events Calendar | கவிதைப்பந்தல் | வாசகர் கடிதம் | சமயம் | மேலோர் வாழ்வில்
எழுத்தாளர் | இளந்தென்றல் | நிகழ்வுகள்
Tamil Unicode / English Search
கவிதைப்பந்தல்
பாவ மன்னிப்பு
- விஜய்|டிசம்பர் 2017|
Share:
தாமதமாய் வீடுவந்த ஒவ்வொரு நாளும்,
கண்ணீருடன் நீ பார்த்ததன் அர்த்தம்,
இன்று என் பிள்ளைக்காக காத்திருக்கும்போது
அறிகிறேன் அம்மா.

அன்று உன் கண்ணீரை அலட்சியப்படுத்தியதற்கு
இன்று என்னை மன்னிப்பாயா!

பள்ளியில் எல்லோரும் அணைக்கட்டுக்குச் சுற்றுலா போக,
என்னை அனுப்ப நீ மறுத்ததன் அர்த்தம்
இன்று என் பிள்ளையைத் தனியே அனுப்பியபின்
அறிகிறேன் அம்மா.

அன்று உன்னிடம் கோபத்தில் பேசாமல் இருந்த நாட்களுக்கு
இன்று என்னை மன்னிப்பாயா!

ஊரே சரவெடியும் ராக்கெட்டும் விட,
ஒரு பிஜிலி வெடிக்கு ஆயிரம் அறிவுரை
நீ சொன்னதன் அர்த்தம்
இன்று என் பிள்ளை பட்டாசு கேட்கையில்
அறிகிறேன் அப்பா.

அன்று உன் சொல் கேட்காமல் வெடித்த வெடிகளுக்கு
இன்று என்னை மன்னிப்பாயா!
விளையாட்டாய் என்னைக் கடிந்து பேசியதற்காக,
பலகால சிநேகத்தை நீ அறுத்து எறிந்ததன் அர்த்தம்
இன்று என் பிள்ளையை மற்றவர் பேசும்போது
அறிகிறேன் அப்பா.

அன்று தாயுடன் இருந்த நெருக்கம்,
உன்னுடன் இல்லாததற்கு
இன்று என்னை மன்னிப்பாயா!

இருபது வருடம் பொத்திப் பொத்தி வளர்த்தபின்,
இனி தனிப்பறவை என,
நான் வீட்டைவிட்டு வெளியேறியதுபோல்,
என் பிள்ளை பட்டாம்பூச்சியாய் மலர்ந்து
நாளை பறந்து செல்லலாம்.

அப்போது
என் பிள்ளையாய்
பரிகாரமாய்
உங்களைச் சுகமாகக் காப்பதே
எனக்குப் பாவமன்னிப்பு.

விஜய்,
உட்பிரிட்ஜ் டவுன்ஷிப், நியூ ஜெர்சி
Share: 




© Copyright 2020 Tamilonline