Thendral Audio Advertise About us
New User? | Forgot Password? | Email: Password: Login
Current Issue | Previous Issues | Author Index | Category Index | Organization Index | E-Magazine | Classifieds | Digital Downloads
By Category:
சின்னக்கதை | சமயம் | சினிமா சினிமா | இளந்தென்றல் | கதிரவனை கேளுங்கள் | ஹரிமொழி | நிகழ்வுகள் | மேலோர் வாழ்வில் | மேலும்
August 2001 Issue
ஆசிரியர் பக்கம் | நேர்காணல் | சிறப்புப் பார்வை | மாயாபஜார் | சிறுகதை | ஜோக்ஸ் | பொது | அமெரிக்க அனுபவம் | கவிதைப்பந்தல் | Events Calendar
எழுத்தாளர் | இளந்தென்றல | நிகழ்வுகள் | குறுக்கெழுத்துப்புதிர் | வாசகர் கடிதம் | தகவல்.காம் | தமிழக அரசியல் | சமயம் | சினிமா சினிமா | முன்னோடி
Tamil Unicode / English Search
கவிதைப்பந்தல்
ஆகஸ்டு 3 நண்பர்கள் தினத்தை நினைவுபடுத்த இந்த இதழில் சில கவிதைகள்.
- |ஆகஸ்டு 2001|
Share:
Click Here Enlargeநண்ப!

இறுக்கிப் பிடித்த
உள்ளங்கைச் சூட்டில்
தெரிந்தது
நம் இருவருக்குமான நட்பு

மழை அடித்து ஓய்ந்த
மாலைப் பொழுதுகளில்
விரல் பிடித்து நடக்கவொரு
சிநேகிதம் வேண்டும்

நண்ப! நீ கிளம்பிச் சென்ற பிறகும்
அழகாய்த்தான் இருக்கின்றன
இரயில்வே பிளாட்பாரங்களும்.

*****


நண்ப!

நண்பா பேருந்து கிளம்பிய
பின்னும் சன்னல் வழி
எக்கித் தலையசைப்பாயே!
அது கவிதை.

*****


நண்ப!

மாறி மாறி போட்டுக் கொண்ட
நம்மின் சட்டைகள்கூட
உரத்துச் சொல்லும்
உலகுக்கு நம் நட்பைப் பற்றி.....

நட்புக்கு இலக்கணம்
சொல்லும் தமிழாசிரியர்
நம்மிருவரையும் ஓரக் கண்ணால்
பார்ப்பாரே!
வள்ளுவன் இருந்தால்
சந்தோசப்பட்டிருப்பான்.

நாம் சேர்ந்து குடித்துத்
தீர்த்த இரவுகள்
உன்னின் என்னின் கனவுகள்
எல்லாமும் மெய்ப்பட வேண்டும்
உன் விரல்கள் பிடித்து ஒருநாள்
நம் வெற்றியை உலகுக்குச்
சொல்ல வேண்டும்.

*****
நண்ப!

ஒரேயொரு சிகரெட்
சில கவிதைகள்
கொஞ்சம் உன் நினைவுகள்
உலகைக் கடக்க இது போதும்.

காதலியைக் கூட காக்க வைத்துவிட்டு
எனக்காகச் சிகரெட் புகைக்க வருவாயே
அதற்காகவேனும் காலம் முழுக்கக்
கடன்பட்டுக் கிடப்பேன்.

காதல் என்னும் வார்த்தை
கனவிலும் நுழையாமல்
காலங்காலமாய் நடைபோட வேண்டும்
பழைய பாதையில்.....
Share: 




© Copyright 2020 Tamilonline